200 جنيه مبلغ صغير قوي علشان تبدأ بيه مشروع في مصر.
لكن حتي راس المال القليل ده لو فكرت تقدر تستخدمه فبدء مشروع ويكون كويس ومربح.
بس خليك متأكد انك هتحتاج لمجهود خرافي في اي حاجة تبدأها لانك معندكش راس المال الكافي انه يريحك.
علشان كدا متستقلش المبلغ لكن برضو اتأكد ان فرص انك تبدأ برأس المال ده قليلة جدا.
علشان كدا خليني اشارك معاك احسشن 3 مشاريع فكرنا فيها انها الانسب برأس المال ده.
افكار مشاريع براس مال 200 جنيه
مرة تانية المشروعات الهضيفها في السطور الجاية هي مشروعات صغيرة جدا جدا.
وعلشان كدا علي الرغم من ان ارباحها كويسة الا انها هتحتاج منك تطوير مستقبليا لما يبقي راس مالك اكبر.
تعرف علي: افضل مشاريع براس مال قليل في مصر
خلينا دلوقتي نبدأ بمشروعنا الاول وهو…
1- مدونة بلوجر
بلوجر هي خدمة من خدمات جوجل بتوفرلك انك تقدر تبدأ مدونة زي ال انت بتقرأ فيها الموضوع دلوقتي مجانا.
طيب التكلفة ال احنا بنتكلم عليها هنا ايه؟
هنا هتحتاج حاجة اسمها Domain وده عنوان الموقع بتاعك وسعره تقريبا 185 جنيه بس في السنة الاولي تقدر تشتريه بـ 20 جنيه بس من خلال موقع اسمه Namecheap.
زي منتا شايف ده مشروع اون لاين وعلشان كدا لازم تفهم اكتر المجال ال انت هتشتغل فيه.
علشان كدا ممكن تقرأ دليل انشاء مدونات بلوجر الكتبناه هنا وتطبق الموجود.
محتاج تتطور نفسك فايه كمان؟
- اهم مهارة هنا هي ( انك تعرف الناس بتدور علي ايه )
- وبعدها تتعلم ( تكتب مواضيع تفيد الناس وتقدملهم فيها حاجة تساعدهم ).
لو قدر انك تطور المهارتين دول دلوقتي تقدر تبدأ مدونتك بس هتحتاج في الاول:
- تحدد المجال الهتكتب عنه ( الحاجات الهتعرف تتكلم عنها هي بداية كويسة )
- بعد كدا تظبط كل اعدادات مدونتك وتضيف الدومين.
- تبدأ تكتب بشكل مستمر محتوي كويس جدا.
- واخيرا ويفضل طبعا لما تجيب علي الاقل 100 زائر لموقعك في اليوم انك تقدم علي برنامج ادسنس ( وده البتقدر من خلاله انك تضيف الاعلانات لمواضيع ).
وبكدا تبقي عملت مشروع براس مال اقل من 200 جنيه ومربح في نفس الوقت.
دلوقتي خلينا نتكلم عن المشروع التاني وهو…
2- مشروع عينات عطور
تقدر بـ 200 جنيه تشتري شوية خامات عطور بسيطة وتبدأ انك تعملها في عينات صغيرة.
او ممكن تشتري 200 مل عطور جاهزة من محل كويس وفي الغالب هتبقي بـ 200 جنيه.
دلوقتي الـ 1 مل من العطور تقريبا تكلفته عليك 1 جنيه.
كل الـ انت محتاج تعمله دلوقتي انك تبدأ توزع الـ 200 مل دي في 20 عينة صغيرة كل عينة فيها تقريبا 10 مل.
دلوقتي تقدر تقف بالعينات دي في اي منطقة وتبيع اعينة الواحدة بـ 15 جنيه.
هنا التكلفة كانت عليك 200 جنيه وقدرت تبيع العينات الكانت معاك بـ 300 جنيه.
كدا ربح تقريبا 50 % من تكلفة المشروع!!!
لو قدرت تمشي المشروع بالطريقة دي وكل مرة تزود في الكمية وتنوع في العطور، تقدر في فترة صغيرة تتحول من مجرد بياع عطور صغير لصاحب محل عطور.
اهم حاجة تقدر تبقي بياع.
ممكن يفيدك:
3- مشروع نفسك
الـ 200 جنيه مبلغ صغير قوي….
وعلشان كدا ليه متستغلش المبلغ ده فأنك تطور نفسك؟
هنا مش هقولك انك تشتري اي كورس وخلاص او كتاب..
لا.
انا عاوزك تبدأ تشتري حاجات تقدر تحولها لخدمات تقدر تبيعها.
مثلا تقدر بـ ال 200 جنيه المعاك تشتري:
- كورس اعلانات فيس بوك بسيط وتبدأ تبيع حملات اعلانية للمعلنين.
- تقدر كمان تشتري كورس كتابة محتوي بسيط وتبدأ تكتب مقالات لاصحاب المواقع.
- تقدر تشتري اشتراك في برنامج تصميم لفيديوهات يوتيوب وتبدأ تصمم فيديوهات زي ( اسرع 10 سيارات في العالم – اغني رجال في العالم – الخ ) وترفعها علي قناة يوتيوب خاص بيك بشكل مجاني.
- وكتير جدا من الفرص الي تقدر تستغلها في تطوير مهارات الشغل بتاعتك.
علشان كدا احسن مشروع براس مال 200 جنيه هو مشروع تطوير مهاراتك انت الشخصية.
يمكن دي حاجة انت مكنتش مستنيها بس صدقني لو معايا 200 جنيه وعاوز اعمل مشروع هستغل المبلغ ده في اتعلم مهارة وابدأ ابيعها واجيب منها اضعاف الي انا دفعته.
ممكن تتعرف برضو علي: اكتر استثمارات مربحة في مصر حاليا
4- مشروع جروب فيس بوك للتسويق بالعمولة
اتكلمت قبل كدا عن انك تبدأ جروب فيس بوك وتبيع عليه منتجات.
الفكرة دي طبعا احسن للبنات…
لكن علي الرغم من ده الموضوع ده محتاج رأس مال تبدأ بيه وتشتري منتجات.
في حالتنا دي انت مش محتاج اي رأس مال اطلاقا!!!!
في مواقع تسويق بالعمولة بتوفرلك امكانية انك تسوق للمنتج وتاخد عمولة عليه من غير متضطر تشتريه او حتي يتعامل معاك البائع.
انت هنا كل المطلوب منك:
- هتعمل جروب تسوق المنتجات.
- ولما يشتري حد هتاخد معلوماته وتروح لموقع التسويق ده.
- تضيف كل البيانات بتاعة الشخص وتعمل طلب شراء.
- الموقع هيوصل المنتج للشخص وياخد منه الفلوس والشحن.
- بمجرد الاستلام هتلاقي عمولتك نزلت في الموقع وتقد تسحبها عن طريق فودافون كاش او اي محفظة الكترونية.
دي من وجهة نظري احسن مشاريع تقدر تبدأها بـ 200 جنيه.
احسن حاجة هنا انها مشاريع عملية وتقدر تبدأها من دلوقتي، وكمان مش محتاجة اي خبرة او تعقيد.
دلوقتي قولي….
ايه احسن مشروع شايفة مناسب ليك؟
لو عندك اس استفسار اكتب تعليق وهرد عليك فأقرب فرصة.
عن الكاتب
